Catiè

‘O ‘raccio nun mo’ sènt cchiù.

M’ guard ‘e det r’ ‘a mano e nun m’ parenò e ‘mmie. So chell’ e nù bambuloccio ‘e pezza.

Abbandunate, senza vita.

Catiè, t’ arricuorde ‘e mmane mie?

Quann’ t’accarizzain ingenuamente chella matina ‘e sissant’anne fa, aropp cà mme diciste voglio ’a tte vicin a me.

Pure a’ vocca s’è sturciata.

Nun pòzzo nemmeno cchiù fà finta ‘e rid’r e si bevo m’nfonn ò piett’ comm’ facett’n  ‘e lacreme toie primm ‘e t’addurmì chella sera disgraziata.

So quatte journe ca sto ‘cca, teseca teseca, dint’a stù liett’ e sott’ a sta luce grigia cà me pare l’anticamera da morte.

Catiè, t’arricuord o’ primm bacio?

Aret’ o’ vico e ll’acqua d’a madonna, n’faccia o’ muro pe nun c’fa vedè a nisciun.

Sulamente  ‘o mare pe testimone e addore ‘e sale pe profumo.

E figlie nuoste m’addumand’n comme stong e m’ guardano c’a faccia d’a pietà.

Io ll’ ric sto buono, farfugliann parole ca nun m’apparten’n.

‘E parole nun sò state mai o’ forte mio, Catiè.

C’avimm’ amat cu’ tanti fatti e accussì poche parole che o’ silenzio nuoste pareva na’ barca ammiez o’ mare ca c’ cullava

e c’ rennev’ unici anche senza dicere nemmeno n’acca.

T’ guardavo n’faccia e capevo chell ‘ca t’ passava pà capa,

chell ‘ca tu iss’ vuluto e chell ‘ca t’ bruciava ‘e cervella a furia d’ò pensà.

T’aggia amato cò silenzio d’a vocca, cù ‘e poesie d’ò core e co bene e ll’anima.

Vulesse chiagnere e m’ sfugà pe’ sta fine senza dignità, ma neanche chest’ riesc a’ ffà.

Sto ferma,  immobile int ‘‘a st’infermità,

senza tenè nemmen ‘a forza e m’ gira ncopp ‘‘a nù lato e nù guardà ‘a nisciuno.

Mi voglio girà ‘a chell’ata parte, Catiè.

Pe truvà n’ata vota sulamente o’ sguardo tuoio.

Chella resata toia che m’ metteva gioia e me faceva sentì forte.

Chillù calore che nemmeno l’umido d’è muri tropp’ viecchie d’a casa nosta riusceva a mitigà.

L’ammore non s’ fa viecchie, Catiè.

E nun ‘mmore nemmeno quann chiurrimm’ l’uocchie senza chiù suspirà.

L’ammore mio sta cà cu’ mme, mpont’ ‘a stù liett e ‘spitale.

M’ ten’ e pier cav’r e o’ core vivo.

L’ammore t’ tarla o’ core e t’o’ renn’ fragile comme nù bicchiere e cristallo.

O’ tien dint’ e ‘mman pe nò fa scardà ma sai che nun dipenn sul a’ te.

Nun è cchiù sul o’ core tuoio.

O’core mio se sfasciato chill juorno che a’ terr addivennet’ a casa toia.

T’aggio cercato din’t a’ ogni passo ca facevo, convinta che era sul nù caso ‘a mancanza toia.

Ca’ iss turnat cà mappat ‘mmano cumme facive ogni sera quanne turnav’ à faticà, stanco e strutto, cu nà famm è lupo e a voglia e t’arripusà.

Io t’ guardavo annascusa, burbera e muta, ma felice comm ‘a prima vota e t’ tenè avvicin’ a ‘mme.

O’ lavaggio scenne lieggio lieggio ma io nun sent nient, Catiè.

Nun sent’ cchiù sapore né doce attuorno a ‘me.

Sulo o’ core e’ cav’r d’ammore,

comme chillù juorno inta a’ chiesa d’à Pace.

C’ guardaim ‘nfaccia e à stient cacciaim à voce annanz o’ prev’t  pè dicer Sì, ò voglio.

Pecchè a’ voce nun c’è mai appertunuta.

O’ core si. E pure a’ vita.

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...